እቲ ሓሻሺ ቈልዓ

ሓደ እዋን’ዩ። ኣብ ሓደ ዓዲ ሓደ ሃብታም ሰብኣይ ይነብር ነበረ። ብዙሓት ኣጣልን ከብትን ከኣ ነበራኦ። ኣዝዩ ሰፊሕ ሕርሻ’ውን ይውንን። ካብተን እንስሳታት ወይ ድማ ካብቲ ሕርሻኡ ንዝረኸቦ ፍርያት እናሸጠ ብዙሕ ገንዘብ ስለዝረክብ ብገንዘብ ተሸጊሩ ኣይፈልጥን’ዩ። እዚ ሃብታም ሰብኣይ ኩሉ ሃብቱ ጽዒሩ ዝረኸቦ’ዩ። ስለዚ ድማ ኣብቲ ዓዲ ብሃብቲ ጥራይ ዘይኰነ ጻዕራም ብምዃኑ’ውን ዓቢ ዝና ነበሮ። እዚ ብጻዕሩ ዝሃብተመ ሰብኣይ በዓል ሓዳር ኰይኑ ክልተ ኣወዳትን ሓንቲ ጓልን ነበርዎ። እቲ በዂሪ ወዱን እታ ጓልን ነቦኦም ኣብ ብዙሕ ንጥፈታት’ዮም ዝሕግዙዎ። እንተ እቲ ሓደ ወዱ ግና ኣብ ስራሕ ንፉዕ ኣይነበረን። ኣብ ትምህርቲ ንፉዕ እንተዝኸውን’ውን ኣይምተጸልአን። ንሱ ግን ኣብ