ኣብ ህይወት ለውጢ ከምጽኡ ዝኽእሉ 10 ነጥብታት July 12, 2020 – ወዲ ሰብ ኣብ ናይ ካልኦት ጌጋታት በሊሕ፣ ኣብ ናቱ ግን ጎዲምን ድኹምን’ዩ እሞ ኣብ ናትካ በሊሕ ኩን። – ንስኻ ንገዛእ ርእስኻ ድምር ናይ ኩሎም ምርጫታትካ ኢኻ፣ ክትዕወት ቅኑዕ ምርጫ ምረጽ። – ንዘፍቀሮ ወይ ዝፈተዎ ዓርኪ ዘይኣምን፣ ነብሱ ከተፍቅር ከምእትኽእል ዘይኣምን’ዩ። – ብናቱ ሓሳብ ተመሪሑ ዘይከይድ ብሓላፍነት ከሕትት ዘኽእል ስራሕ ክሽከም ኣይክእልን’ዩ። – ለውጢ ከተምጽኣሉ ንዘይትኽእል ነገር ምድካሙ ንግዜኻ ምብኻንን ምቑራስን’ዩ። – ስራሕ ባዕሉ ስለ ዝዛረብ እዚ ሰሪሐ ከምዚ ጌረ ኢልካ ኣይትጸብጽብ፣ ተጀሃራይ ናይ ስራሕ ሰብ ስለዘይኮነ። – ብስራሕካ ክትምጎስ ምድላይ ሕማቕ ኣይኮነን፣ ንኽትምጎስ ኢልካ ምስራሕ ግን ሕማቕ ሞራል’ዩ። – ንገዛእ ርእሱ ዘየፍቅር ንኻልኦት ከፍቕር ከቶ ኣይክእልን’ዩ። – ወትሩ ክኢላ፣ ሓቀኛ፣ ትሑትን ምእዙዝን ከምዝኾነ ባዕሉ ክሕብር ዝደሊ ሰብ ብኣንጻሩ ንሕማቕ ባህርያቱ ክሽፍን ደልዩ ይዛረብ ከምዘሎ ኣስተውዕል’ሞ ተጠንቀቕ። – ባህሪ ዝዓደለካ መልክዕ ምጽላእ፣ ፍጡር ምዃንካ ምኽሓድ’ዩ።
